Astapadi 3

Astapadi 3

ललितलवङ्गलतापरिशीलनकोमलमलयसमीरे ।

मधुकरनिकरकरम्बितकोकिलकूजितकुञ्जकुटीरे ॥

lalitalavaṅgalatāpariśīlanakomalamalayasamīre |

madhukaranikarakarambitakokilakūjitakuñjakuṭīre ||

विहरति हरिरिह सरसवसन्ते

नृत्यति युवतिजनेन समं सखि विरहिजनस्य दुरन्ते ॥ १॥ विहरति

viharati hiririha sarasavasante

nṛtyati yuvatijanena samaṁ sakhi virahijanasya durante || 1 || viharati

उन्मदमदनमनोरथपथिकवधूजनजनितविलापे  ।

अलिकुलसंकुलकुसुमसमूहनिराकुलबकुलकलापे   ॥ २॥ विहरति

unmadamadanamanorathapathikavadhūjanajanitavilāpe |

alikulasankulakusumasamūhanirākulabakulakalāpe || 2 || viharati

मृगमदसौरभरभसवशंवदनवदलमालतमाले ।

युवजनहृदयविदारणमनसिजनखरुचिकिंशुकजाले ॥ ३॥ विहरति

mṛgamadasaurabharabhasavaśaṁvadanavadalamālatamāle |

yuvajanahṛdayavidāraṇamanasijanakharucikiṁśukajāle || 3 || viharati

मदनमहीपतिकनकदण्डरुचिकेसरकुसुमविकासे ।

मिलितशिलीमुखपाटलिपटलकृतस्मरतूणविलासे ॥ ४॥ विहरति

madanamahīpatikanakadaṇḍarucikesarakusumavikāse |

militaśilīmukhapāṭalipaṭalakṛtsmaratūṇavilāse || 4 || viharati

विगलितलज्जितजगदवलोकनतरुणकरुणकृतहासे  ।

विरहिनिकृन्तनकुन्तमुखाकृतिकेतकदन्तुरिताशे ॥ ५॥ विहरति

vigalitalajjitajagadavalokanataruṇakaruṇakṛtahāse |

virahinikṛntanakuntamukhākṛtiketakadanturitāśe || 5 || viharati

माधविकापरिमलललिते नवमालिकजातिसुगन्धौ ।

मुनिमनसामपि मोहनकारिणि तरुणाकारणबन्धौ ॥ ६॥ विहरति

vigalitalajjitajagadavalokanataruṇakaruṇakṛtahāse |

virahinikṛntanakuntamukhākṛtiketakadanturitāśe || 5 || viharati

स्फुरदतिमुक्तलतापरिरम्भणमुकुलितपुलकितचूते ।

बृन्दावनविपिने परिसरपरिगतयमुनाजलपूते ॥ ७॥ विहरति

sphuradatimuktalatāparirambhaṇamukulitapulakitacūte |

bṛndāvanavipine parisaraparigatayamunājalapūte || 7 || viharati

श्रीजयदेवभणितमिदमुदयति हरिचरणस्मृतिसारम् ।

सरसवसन्तसमयवनवर्णनमनुगतमदनविकारम् ॥ ८॥ विहरति

sphuradatimuktalatāparirambhaṇamukulitapulakitacūte |

bṛndāvanavipine parisaraparigatayamunājalapūte || 7 || viharati

दरविदलितमल्लीवल्लिचञ्चत्पराग-

प्रकटितपटवासैर्वासयन् काननानि ।

इह हि दहति चेतः केतकीगन्धबन्धुः

प्रसरदसमबाणप्राणवद्गन्धवाहः ॥ ८॥

daravidalitamallīvallicañcatparāga-

prakaṭitapaṭavāsairvāsayan kānanāni |

iha hi dahati cetaḥ ketakīgandhabandhuḥ

prasaradasamabāṇaprāṇavadgandhavāhaḥ || 8 ||

उन्मीलन्मधुगन्धलुब्धमधुपव्याधूतचूताङ्कुर-

क्रीडत्कोकिलकाकलीकलरवैरुद्गीर्णकर्णज्वराः ।  

नीयन्ते पथिकैः कथं कथमपि ध्यानावधानक्षण-

प्राप्तप्राणसमासमागमरसोल्लासैरमी वासराः ॥ ९॥

unmīlanmadhugandhalubdhamadhupavyādhūtacūtāṅkura-

krīḍatkokilakākalīkalavarairudgīrṇakarṇajvarāḥ |

nīyante pathikaiḥ kathaṁ kathamapi dhyānāvadhānakaṣaṇa-

prāptaprāṇasamāsamāgamarasollāsairamī vāsarāḥ || 9 ||

अनेकनारीपरिरम्भसम्भ्रम-

स्फुरन्मनोहारिविलासलालसम् ।

मुरारिमारादुपदर्शयन्त्यसौ

सखीसमक्षं पुनराह राधिकाम् ॥ १०॥

anekanārīparirambhasambhrama-

sphuranmanohārivilāsalālasam |

murārimārādupadarśayantyasau

sakhīsamakṣaṁ punarāha rādhikām || 10 ||