Astapadi 22

Astapadi 22

राधावदनविलोकनविकसितविविधविकारविभङ्गम् ।

जलनिधिमिव विधुमण्डलदर्शनतरलिततुङ्गतरङ्गम् ॥

Radhavadana-vilokana-vikasita-vividha-vikara-vibhangam |

Jalanidhi-miva vidhumandala-darshana-taralita-tungatarangam ||

हरिमेकरसं चिरमभिलषितविलासं

सा ददार्श गुरुहर्षवशंवदवदनमनङ्गनिवासम् ॥ १॥

Harimekara-sam chiram abhilashita-vilasam

Sa dadarsha guruharsha-vashamvada-vadanamanangani-vasam || 1 ||

हारममलतरतारमुरसि दधतं परिरभ्य विदूरम् ।

स्फुटतरफेनकदम्बकरम्बितमिव यमुनाजलपूरम् ॥ २॥ हरिमेकरसं

Harama-malatarataramurasi dadhatam parirabhya viduram |

Sphutatara-phenakambakarambitamiva yamunajala-puram || 2 || Harimekara-sam

श्यामलमृदुलकलेवरमण्डलमधिगतगौरदुकूलम् ।

नीलनलिनमिव पीतपरागपटलभरवलयितमूलम् ॥ ३॥ हरिमेकरसं

Shyamala-mridula-kalevara-mandalamadhigata-gaura-dukulam |

Nilanalina-miva pita-paragapatala-bhara-valayitamulam || 3 || Harimekara-sam

तरलदृगञ्चलचलनमनोहरवदनजनितरतिरागम् ।

स्फुटकमलोदरखेलितखञ्जनयुगमिव शरदि तडागम् ॥ ४॥ हरिमेकरसं

Taraladriganchala-chalanamano-hara-vadana-janita-ratiragam |

Sphutakamalodara-khelita-khanchanayugamiva sharadi tadagam || 4 || Harimekara-sam

वदनकमलपरिशीलनमिलितमिहिरसमकुण्डलशोभम् ।

स्मितरुचिरुचिरसमुल्लसिताधरपल्लवकृतरतिलोभम् ॥ ५॥ हरिमेकरसं

Vadanakamala-parishilananilitamihira-samakundala-shobham |

Smita-ruchira-ruchira-samullasita-adhara-pallavakrita-ratilobham || 5 || Harimekara-sam

शशिकिरणच्छुरितोदरजलधरसुन्दरसकुसुमकेशम् ।

तिमिरोदितविधुमण्डलनिर्मलमलयजतिलकनिवेशम् ॥ ६॥ हरिमेकरसं

Shashikiranachhuritodara-jaladharasundara-sakusumakesham |

Timiroditavidhumaṇḍala-nirmala-malayajatilakanivesham || 6 || Harimekara-sam

विपुलपुलकभरदन्तुरितं रतिकेलिकलाभिरधीरम् ।

मणिगणकिरणसमूहसमुज्ज्वलभूषणसुभगशरीरम् ॥ ७॥ हरिमेकरसं

Vipulapulaka-bharadanturitam ratikelikalabhiradhiram |

Maniganakirana-samuhajamujjvala-bhushana-subhaga-shariram || 7 || Harimekara-sam

श्रीजयदेवभणितविभवद्विगुणीकृतभूषणभारम् ।

प्रणमत हृदि सुचिरं विनिधाय हरिं सुकृतोदयसारम् ॥ ८॥ हरिमेकरसं

Shrijayadevabhanita-vibhavadvigunikritabhushanabhaaram |

Pranamata hridi suchiram vinidhaya harim sukṛtodayasaram || 8 || Harimekara-sam

अतिक्रम्यापाङ्गं श्रवणपथपर्यन्तगमन-

प्रयासेनेवाक्ष्णोस्तरलतरतारं पतितयोः ।

इदानीं राधायाः प्रियतमसमालोकसमये

पपात स्वेदाम्बुप्रसर इव हर्षाश्रुनिकरः ॥ ७६॥

Atikramyapangam shravanapatha-paryantagamanaprayasenevakshnostaralatarangam patitayoḥ |

Idanim radhayaha priyatama-samaloka-samaye

Papata svedam-buprasara iva harsha-ashrunikarah || 76 ||

भवन्त्यास्तल्पान्तं कृतकपटकण्डूतिपिहित-

स्मितं याते गेहाद्बहिरवहितालीपरिजने ।

प्रियास्यं पश्यन्त्याः स्मरशरसमाकूलसुभगं  

सलज्जा लज्जापि व्यगमदिव दूरं मृगदृशः ॥ ७७॥

Bhavantyastalpantam kritakapata-kandooti-pihita-

Smitam yate gehad-bahiravahitaliparijane |

Priyasyam pashyantyah smara-shara-samakula-subhagam

Salajja lajjapi vyagamadiva duram-mrigadṛśah || 77 ||

जयश्रीविन्यस्तैर्महित इव मन्दारकुसुमैः

स्वयं सिन्दूरेण द्विपरणमुदा मुद्रित इव ।

भुजापीडक्रीडाहतकुवलयापीडकरिणः

प्रकीर्णासृग्बिन्दुर्जयति भुजदण्डो मुरजितः ॥ ७८॥

Jayashrivyastairmahita iva mandarakusumaih

Svayam sindurena dviparanamudamudrita iva |

Bhujapida-kridahatakuvalayapidakarinaḥ

Prakirna-sṛgbindurjayati bhujadando murajitah || 78 ||

सौन्दर्यैकनिधेरनङ्गललनालावण्यलीलाजुषो

राधाया हृदि पल्वले मनसिजकीडैकरङ्गस्थले ।

रम्योरोजसरोजखेलनरसित्वादात्मनः ख्यापयन्

ध्यातुर्मानसराजहंसनिभतां देयान्मुकुन्दो मुदम् ॥ ७९॥

Saundaryai-kanidheranangalalana-lavalanyalilajusho

Radhayaha hridi palvale manasijakid-ekarangasthale |

Ramyorasaroja-khelana-rasitvadatmanah khyapayan

Dhyatuh-manasarajaham-sanibhatam deyam-mukundo mudam || 79 ||

॥ इति श्रीगीतगोविन्दे राधिकामिलने सानन्ददामोदरो नामैकादशः सर्गः ॥

Iti shri-gitagovinde radhikam-ilane sananda-damodaro namai-kadashah sargah ||