Astapadi 15

Astapadi 15

समुदितमदने रमणीवदने चुम्बनवलिताधरे ।

मृगमदतिलकं लिखति सपुलकं मृगमिव रजनीकरे ॥

रमते यमुनापुलिनवने विजयी मुरारिरधुना ॥ १॥

Samuditamadane ramaṇīvadane chumbanavalitādhare |

Mṛgamadatilakaṁ likhati sapulakaṁ mṛgamiva rajanīkare ||

Ramate yamunāpulinavane vijayī murāriradhunā || 1 ||

घनचयरुचिरे रचयति चिकुरे तरलिततरुणानने ।

कुरबककुसुमं चपलासुषमं रतिपतिमृगकानने ॥ २॥ रमते

Ghanachayaruṇire rachayati cikure taralitataruṇānane |

Kurabakakusumaṁ chapalāsuṣamaṁ ratipatimṛgakānane || 2 || ramate

घटयति सुघने कुचयुगगगने मृगमदरुचिरूषिते ।

मणिसरममलं तारकपटलं नखपदशशिभूषिते ॥ ३॥ रमते

Ghaṭayati sughane kucayugagane mṛgamadarucirūṣite |

Maṇisaramamalaṁ tārakapaṭalaṁ nakhapadaśaśibhūṣite || 3 || ramate

जितबिसशकले मृदुभुजयुगले करतलनलिनीदले ।

मरकतवलयं मधुकरनिचयं वितरति हिमशीतले ॥ ४॥ रमते

Jitabisashakale mṛdubhujayugale karatalanalīdale |

Maratavalayaṁ madhukaranicayaṁ vitarati himaśītale || 4 || ramate

रतिगृहजघने विपुलापघने मनसिजकनकासने ।

मणिमयरसनं तोरणहसनं विकिरति कृतवासने ॥ ५॥ रमते

Ratigṛhajaghane vipulāpaghane manasijakanakāsane |

Maṇimayarasanaṁ toraṇahasanaṁ vikirati kṛtavāsane || 5 || ramate

चरणकिसलये कमलानिलये नखमणिगणपूजिते ।

बहिरपवरणं यावकभरणं जनयति हृदि योजिते ॥ ६॥ रमते

Ratigṛhajaghane vipulāpaghane manasijakanakāsane |

Maṇimayarasanaṁ toraṇahasanaṁ vikirati kṛtavāsane || 5 || ramate

रमयति सुदृशं कामपि सुभृशं खलहलधरसोदरे ।

किमफलमवसं चिरमिह विरसं वद सखि विटपोदरे ॥ ७॥ रमते

Ramayati sudṛśaṁ kāmapi subhṛśaṁ khalahaladharasodare |

Kimaphalamavasaṁ ciramiha virasaṁ vada sakhi viṭapodare || 7 || ramate

इह रसभणने कृतहरिगुणने मधुरिपुपदसेवके ।

कलियुगचरितं न वसतु दुरितं कविनृपजयदेवके ॥ ८॥ रमते

Iha rasabhaṇane kṛtahariguṇane madhuripupadasevake |

Kaliyugacaritaṁ na vasatu duritaṁ kavinṛpajayadevake || 8 || ramate

नायातः सखि निर्दयो यदि शठस्त्वं दूति किं दूयसे

स्वच्छन्दं बहुवल्लभः स रमते किं तत्र ते दूषणम् ।

पश्याद्य प्रियसङ्गमाय दयितस्याकृष्यमाणं गुणै-

रुत्कण्ठार्तिभरादिव स्फुटदिदं चेतः स्वयं यास्यति ॥ ५०॥

Nāyātaḥ sakhi nirdayo yadi śaṭhastvaṁ dūti kiṁ dūyase

Svacchandaṁ bahuvallabhaḥ sa ramate kiṁ tatra te dūṣaṇam |

Paśyādya priyasangamāya dayitasyākṛṣyamāṇaṁ guṇai-

rutkaṇṭhārtibharādiva sphuṭadidaṁ cetaḥ svayaṁ yāsyati || 50 ||